پھاؤڑے سے حملہ کر کے بیوی کا قتل

بیوی کو قتل کرنے کے بعد ملزم نے چوہا مار دوا کھا کر خود کو بھی ختم کرنے کی کوشش کی تھی لیکن اسے بچا لیا گیا ہے۔

مدھیہ پردیش کے ستنا ضلع کے دھارکنڈھی تھانہ علاقے کے سون ورشا گاؤں میں ایک بزرگ نے اپنی بیوی کو پھاؤڑے سےحملہ کرکے قتل کردیا۔

پولیس ذرائع کے مطابق کل معمولی بات پر تکرار کے دوران 70 سالہ شیوا دھار کشواہا نے پھاؤڑے سے وار کرکے اپنی 65 سالہ بیوی کلاوتی کو قتل کردیا۔

انہوں نے بتایا کہ بیوی کو قتل کرنے کے بعد ملزم نے چوہا مار دوا کھاکر خود کو بھی ختم کرنے کی کوشش کی تھی، لیکن اسے بچا لیا گیا ہے۔

پولیس نے اس سلسلے میں معاملہ درج کرکے جانچ شروع کردی ہے۔