مدھیہ پردیش میں گذشہ 42 دنوں میں پہلی بار کورونا وائرس کے کیسیز میں کمی درج کی گئی ہے ۔ریاست میں آج کوورنا وائرس کے 7 ہزار 21 کیسیز درج کئے گئے ہیں وہیں 179 افراد کی موت بھی ہوی ہے ۔ 42دنوں بعد پازیٹوٹی ریٹ گھٹ کر 10فیصد ہوا ہے۔
مدھیہ پردیش میں کورونا متاثرین کی تعداد میں مسلسل کمی آ رہی ہے۔ گذشتہ 24 گھنٹے میں 7ہزار سے زیادہ مثبت کیسیز ملے ہیں۔پازیٹوٹی ریٹ 42 دن بعد گھٹ کر 10فیصد ہوگیا ہے۔2 اپریل کو یہ 10.4 فیصد تھا ۔مئی کے شروعات میں یہ 25 فیصد تک پہنچ گیا تھا۔
ریاست میں متاثرین کی تعداد 7 لاکھ 31ہزار 385 ہوگئ ہے ۔اس میں سے 6لاکھ 29 ہزار 541 متاثرین کورونا کو شکست دے کر ٹھیک ہو چکے ہیں۔ریاست میں اب تک اس وبا سے 6ہزار 992اموات بھی ہو چکی ہیں ۔ ایکٹیو کیسز کی تعداد کم ہو کر 94 ہزار 65ہوگئی ہے۔
