مدپردیس کے صنعتی شہر اندور فی الحال صوبے کا کورونا وائرس کا مرکز بن گیا ہے ۔بھارتی جنتا پارٹی کا دوسری بار اقتدار میں آنے کے ایک سال مکمل ہونے پر بھارتی جنتا پارٹی کے جنرل سکریٹری کیلاش وجے ورگیہ نے پریس کانفرنس کو خطاب کرتے ہوئے کہاکہ بی جے پی کی قیادت والی مرکزی حکومت نے چھ برس کی دور حکومت کے دوران انگنت نمایاں کارنامہ انجام دیا ہے۔
انہوں نے کہاکہ وزیراعظم نریندر مودی بھارتی تاریخ کے سب سے کامیاب رہنما بن کر ابھر ے ہیں۔ وہ ایک کامیاب وزیراعظم ہونے کے ساتھ ساتھ عظم رہنما بھی ہیں۔
وزیراعظم نریندر مودی آزادی کے بعد بھارت کے پہلے وزیراعظم ہیں جن کا دنیا کے پانچ بہترین رہنماؤں میں شمار ہوتا ہے ۔ اس سے زیادہ اور کہا جا سکتا ہے ۔
مغربی بنگال کی وزیر اعلی ممتا بنرجی پر تنقید کرتے ہوئے انہوں نے کہا کہ وہ مغربی بنگال میں سیاسی کھیل رہی ہیں ۔ وہ صرف اقلیتی ووٹ بینک حاصل کرنے کی منصوبہ بندی کرتی رہتی ہیں۔ کوروناوائرس کے سبب بنگال کے حالات اچھے نہیں ہیں۔ اس کے باوجود وزیراعلیٰ ممتابنرجی نے مذہبی عبادت گاہوںکو کھولنے کا فیصلہ کیا۔
مگر سبھی مذاہب کے عبادت گاہ کے رہنماؤں نے عبادت گاہوں کو کھولنے سے منع کردیا کیونکہ ان کو اپنے سماج کی فکر ہے ۔انہوں نے مزید کہا کہ پورے ملک میں سب سے زیادہ مزدوروں کے لیے اگر کوئی غیر ذمہ داری ہے تو وہ ہے ممتا بنرجی ہیں۔
