جمعیت علمائے ہند مدھیہ پردیش کے صدر حاجی محمد ہارون نے کہا کہ تہواروں کے موقع پر دس دن کے لاک ڈاؤن پر حکومت مدھیہ پردیش سے لاک ڈاؤن ختم کرنے اور دوبارہ نظر ثانی کرنے کا مطالبہ کیا ہے-
حاجی ہارون نے کہا کی ابھی تک شہر میں عوام احتیاطی تدابیر کے ساتھ اپنے کاموں میں لگ گئی اور کاروبار بھی ہونے لگے تھے اچانک حکومت کے اس فیصلے نے تہواروں کے موقع پر لاک ڈاؤن سے عوام اور کاروباریوں کو مایوس کر دیا ہے-
ایک طرف تو شراب خانوں میں بڑی تعداد میں لوگ جمع ہیں اور تمام سیاسی پروگرام بھی جاری ہے وہیں حکومت کو اچانک کورونا مذہبی مقامات پر اور تہواروں پر نظر آرہا ہے جو کئی چھوٹے چھوٹے کاروباریوں سے لے کر ہر غریب طبقہ کا بڑا نقصان ہے-
اس وقت ملک بھر میں دو مذہبی تہوار راکھی اور عیدالاضحی قریب ہے جس کی تیاریاں کی جا رہی تھیں اور کاروباری نے راکھی سے لیکر عید الاضحی تک کے لیے کاروبار کرنے کی منشا سے مال بھر لیا تھا اور چھوٹے کاروباریوں پر شہر میں لاک ڈاؤن کے حکومت کے فیصلے نے سب کو مایوس کر دیا-
حاجی محمد ہارون نے حکومت مدھیہ پردیش سے ایک بار پھر لاک ڈاؤن کے فیصلے پر نظر ثانی کرنے کا مطالبہ کیا ہے تاکہ کہ دونوں تہوار خوشی اور آسانی کے ساتھ منایا جاسکے-
