مانسون اپنی رخصت کے آخری ایام میں ہے جبکہ اب بھی ملک کے متعدد علاقوں بارش کو سلسلہ جاری ہے، مدھیہ پردیش کے دارالحکومت بھوپال میں بھی موسلادھار بارش کی وجہ سے کئی نشیبی علاقوں میں پانی بھر گیا جبکہ محمکہ موسمیات نے آئندہ دو دنوں میں مزید بارش کی پیشن گوئی کی ہے۔
مدھیہ پردیش کے شہر بھوپال، ہوشنگ آباد سمیت 32 اضلاع میں آئندہ دو روز میں بھاری بارش کا الرٹ جاری کیا ہے۔
بھوپال میں گزشتہ نو گھنٹوں میں 6 سینٹی میٹر سے زائد بارش ریکارڈ کی گئی۔
بھوپال کی سندھی کالونی، بھوپال ٹاکیز، چھولہ، ٹیلہ جمال پورہ، باغ سیونیا سمیت متعدد علاقوں میں پانی جمع ہونے سے لوگوں کو شدید پریشانی کا سامنا کرنا پڑا۔
اسی دوران رابطہ عامہ وزیر پی سی شرما نے بھوپال کے جنوب مغربی اسمبلی حلقے کی بستیوں کے نشیبی علاقوں کو دورہ کیا، پی سی شرما نے بارش سے متاثرہ خاندانوں کے گھر پہنچ کر ملاقات کی اور میونسپل کارپوریشن اور ضلع انتظامیہ کے افسران کو بارش سے متاثرہ لوگوں کی مدد کرنے اور پانی کی نکاسی کا انتظام کرنے کی ہدایت دی ہے۔
