مدھیہ پردیش: 60 سالہ خاتون میں کورونا کی تصدیق

انتظامیہ نے متاثرہ خاتون سے رابطے میں آئے تقریبا 70 افراد کی فہرست تیار کی ہے۔ جس کے بعد سب کو کورنٹائن کردیا گیا ہے۔

ریاست مدھیہ پردیش کے ضلع شاہدول میں ایک 60 سالہ خاتون کو کورونا مثبت پایا گیا ہے۔ انتظامیہ نے متاثرہ گاؤں کو کنٹینمنٹ ایریا قرار دیتے ہوئے علاقے کو مکمل طور پر سیل کردیا ہے۔ وہیں کورونا مریض کے رابطے میں آنے والے لوگوں اور مکانات کو سینیٹاز کیا جا رہا ہے۔

انتظامیہ نے متاثرہ خاتون سے رابطے میں آئے تقریبا 70 افراد کی فہرست تیار کی ہے۔ جس کے بعد سب کو کورنٹائن کردیا گیا ہے۔ ساتھ ہی مریض کے کنبے کے نمونے بھی جانچ کے لئے بھیجے جا چکے ہیں۔

واضح رہے کہ میڈیکل کالج شاہدول کے آئسولیشن وارڈ میں کل 6 افراد کو آئسولیشن میں رکھا گیا ہے۔