مدھیہ پردیش ضمنی انتخابات : جھابوا میں کانگریس کو سبقت

ریاست مدھیہ پردیش کے ضلع جھابوا میں کانگریس امیدوار کانتی لال بھوریا پہلے راؤنڈ سے ہی بھارتیہ جنتا پارٹی سے آگے چل رہے ہیں-

اطلاعات کے مطابق کانتی لال بھوریا کے مسلسل سبقت حاصل کرنے پر بھوپال میں کانگریس کے صوبائی دفتر میں جیت کا جشن منانا شروع کر دیا گیا ہے۔

اس موقع پر کانگریس ترجمان دیپک سکسینہ نے کہا کہ 'بھارتیہ جنتا پارٹی کا آج غرور ٹوٹ گیا ہے، بھارتیہ جنتا پارٹی نے پندرہ برسوں سے قبائلی طبقے کو دھوکے میں رکھا تھا یہ اسی کا نتیجہ ہے کہ آج بھارتی جنتا پارٹی کو ہار کا منہ دیکھنا پڑا ہے-'

بھارتیہ جنتا پارٹی کی طرف سے لگائے گئے اس الزام پر کہ کانگریس نے جھابوا میں اپنے اقتدار میں رہنے کا غلط استعمال کیا ہے، دیپک سکسینا نے کہا کہ 'بھارتیہ جنتا پارٹی کے لوگ خود ووٹرز کو طرح طرح کی چیزیں بانٹتے ہوئے پکڑے گئے ہیں۔ایسے لوگ اگر کانگریس پر الزام لگاتے ہیں تو یہ شرم کی بات ہے۔'