ریوا: کورونا انفیکشن پر قابو پانے کے لئے ریوا کلکٹر ایلیا راجا ٹی نے ریوا ضلع میں دفعہ 144 کے تحت 7 مئی کی صبح 6 بجے تک کورونا کرفیو نافذ کرنے کا احکامات جاری کیا ہے۔
اس کے ساتھ ہی ضلع میں 30 اپریل کو صبح 6 بجے سے 3 مئی کی صبح 6 بجے تک مکمل لاک ڈاؤن رہے گا۔ اس دوران عام طور پر طبی مقاصد کے لئے اپنے گھر سے باہر جانے کی اجازت ہوگی۔
ضلع مجسٹریٹ ڈاکٹر ایلیاراجا ٹی کے جانب سے جاری احکامات کے مطابق کورونا کرفیو کے دوران دودھ، ڈسپنسری، کیمسٹ اسپتال، کوویڈ ویکسینیشن سنٹر اور پیٹرول پمپ کھلے رہیں گے۔
لاک ڈاؤن کے دوران ٹھیلے والوں کو صبح 6 بجے سے دوپہر 11 بجے تک سبزیاں اور پھل فروخت کرنے کی اجازت ہوگی۔ پیداوار سے متعلق سرگرمیاں بلا تعطل جاری رہیں گی۔
سرکاری آمدنی کے کاموں میں نرمی رہے گی اور پبلک ڈسٹریبیوشن کی دکانیں طے شدہ اوقات کے مطابق کھلیں گی۔ تمام سرکاری دفاتر جیسے محصول ، پولیس، بینک، بجلی، لوکل باڈیز اور دیگر ہنگامی خدمات لاک ڈاؤن سے مستثیٰ رہیں گی۔
