ریاست مدھیہ پردیش کے دارالحکومت بھوپال کے منشی حسن خان ٹیکنیکل انسٹیٹیوٹ میں ادبی تقریب کا انعقاد کیا گیا- جس میں بھوپال کے مشہور ڈرامہ نگار , نامہ نگار اور ادیب رئیس الحسن کی خدمات پر روشنی ڈالی گئی-
اس تقریب میں خاص طور سے سید رئیس الحسن کے ذریعے اے محمد عرفان کی کتاب کا ترجمہ کیا گیا تھا جو کہ مجاہد آزادی برکت اللہ بھوپالی کی حیات و خدمات پر مبنی ہے- سید رئیس الحسن نے اردو کی کتاب کا ہندی میں شاندار ترجمہ کیا ہے تاکہ برکت اللہ بھوپالی کے بارے میں دوسرے مذہب کے لوگ بھی جان سکے-
آج کی اس تقریب میں لوگوں کا مطالبہ ہے کہ برکت اللہ بھوپالی کی اس کتاب کو خود برکت اللہ یونیورسٹی اپنے امداد سے شائع کرے- لیکن برکت اللہ یونیورسٹی اس کام میں ناکام رہی ہے اس لئے آج کی تقریب میں طے کیا گیا اگر برکت اللہ یونیورسٹی اسے ترجیح نہیں دے گی تو ادب سے جڑے لوگ چندہ کر برکت اللہ بھوپالی پر مبنی اس ترجمہ کو منظر عام پر لائیں گے-
