ریاست مدھیہ پردیش کے دارالحکومت بھوپال میں حافظ اسماعیل بیگ آرگنائزیشن کے زیراہتمام بھوپال کے تاریخی اقبال میدان پر اجتماعی نکاح کی تقریب عمل میں آئی، جس میں 57 جوڑوں کا نکاح پڑھایا گیا۔
واضح رہے کہ یہ تنظیم گذشتہ کئی برسوں سے اجتماعی نکاح کا انعقاد کیا جارہا ہے جس میں اب تک 1100 جوڑوں کا نکاح اس تنظیم کے ذریعے کرایا جاچکا ہے۔
آج 57 جوڑوں کے نکاح پڑھایا گیا جس میں شادی میں شرکائ کے لیے کھانے پینے کا خاص انتظامات کیے گئے تھے۔
تقریب کے مہمان خصوصی شہر قاضی سید مشتاق علی ندوی نے کہا کہ اس طرح کے پروگرام بار بار ہونے چاہیے کیونکہ اسلام میں کہا گیا ہے کہ نکاح کو آسان بناؤ , نکاح کم خرچ میں کرو اور لڑکی والوں پر کسی بھی طرح کا بوجھ نہ ڈالو ۔ انہوں نے کہا سادگی کے ساتھ نکاح کرنا اللہ کا حکم ہے اور آپ صلی اللہ علیہ وسلم کی سنت بھی۔
اجتماعی نکاح میں تشریف لائے مدھیہ پردیش جمیعت علمائے ہند کے صدر حاجی محمد ہارون نے کہاں ہماری ریاست میں چلائی جا رہی وزیراعلی نکاح اسکیم سے بہت سے لوگ لوگ فائدہ اٹھا رہے ہیں اور اس اسکیم کے تحت لڑکا یا لڑکی والوں پر کسی بھی طرح کا بوجھ نہیں آتا ہے اور نکاح کم خرچ میں ہو جاتا ہے -
