اجین میں ایک بدمعاش کا غیر قانونی مکان منہدم

وزیراعلی شیوراج سنگھ چوہان کے حکم کے بعد پولیس اور ضلع انتظامیہ نے یہ کاروائی انجام دی۔

مدھیہ پردیش کے اجین ضلع میں ریاستی حکومت کے ذریعہ مافیا کے خلاف چلائی جارہی مہم کے تحت ایک بدمعاش کے غیرقانونی مکان زمین دوز کردیا گیا۔
سرکاری ذرائع کے مطابق وزیراعلی شیوراج سنگھ چوہان کے حکم کے بعد پولیس اور ضلع انتظامیہ کی مشترکہ کارروائی میں ناگدا کے مرچی بازار میں واقع خطرناک بدمعاش سلمان لالا کا تین منزلہ غیرقانونی مکان زمین دوز کردیا گیا۔
پولس نے سلمان کے مکان سے ایک ماہ پہلے بھاری مقدار میں غیر قانونی ہتھیار برآمد کئے تھے۔ اس معاملے میں سلمان جیل میں بند ہے۔
پولس سپرنٹنڈنٹ منوج کمار سنگھ کے حکم پر یہ کارروائی کی گئی ہے۔ اس دوران خاندان کی خواتین نے مخالفت بھی کی۔