موسلادھار بارش سے مدھیہ پردیش زیر آب

مدھیہ پردیش میں مانسون سرگرم رہنے سے تقریباً پوری ریاست میں تیز بارش ہو رہی ہے۔ اسی دوران کئی مقامات کے پلوں پر ندیوں کا پانی چڑھنے اور کئی گاڑیوں کے پھنسنے کی بھی اطلاعات ہیں۔

ریاست میں تیز بارش کے خدشے کے درمیان وزیر اعلی کمل ناتھ نے افسران کو خصوصی چوکسی برتنے کی ہدایات دی ہیں۔ کمل ناتھ نے اپنے ٹویٹ میں ریاست کے کئی حصوں میں شدید بارش کے انتباہ پر خصوصی احتیاط برتنے کی ہدایات دی ہیں۔ ڈیزاسٹر مینجمنٹ کے تحت نشیبی بستیوں اور پانی جمع ہونے والے علاقوں کے لیے خصوصی احتیاط برتنے کی ہدایات دی گئی ہیں۔ خاص احتیاط برت کر کسی بھی قسم کے جان و مال اور دیگر نقصان نہ ہو، اس سلسلے میں وسیع انتظام کی ہدایات جاری کی گئی ہیں۔
مندسور ضلع میں ایک بس کے انڈربرج میں جمع پانی میں پھنسنے سے کئی مسافروں کی جان مشکل میں پڑگئی ہے۔ مقامی لوگوں نے انڈربرج کے اوپر ریل کی پٹری پر سے مسافروں کو بچا یا۔
وہیں بیتول ضلع میں تاپتي دریا کا پانی کئی مندروں میں داخل ہو گیا ہے۔