بھوپال: گیس متاثرہ خواتین کا اسمبلی گھیراؤ، پنشن بحال کرنے کا مطالبہ

بھوپال کے گیس متاثرہ بیوہ خواتین نے آج مدھیہ پردیش اسمبلی کا گھیراؤ کیا اور حکومت سے بند پینشن کو بحال کرنے کا مطالبہ کیا۔

مدھیہ پردیش کے دارالحکومت بھوپال میں 1985 میں پیش آئے گیس سانحہ کی متاثرہ خواتین نے ایک بار پھر حکومت کے خلاف محاذ کھول دیا ہے۔

اطلاعات کے مطابق گیس سانحہ میں متاثرہ بیواؤں کو حکومت کی جانب سے پینشن دی جاتی تھی جو 2019 سے بند کر دی گئی ہے۔ ایسے میں ان بیوہ خواتین کو فاقہ کشی کے حالات کا سامنا کرنا پڑ رہا ہے۔ متاثرہ خواتین بند کی گئی پنشن کو بحال کروانے کے لیے حکومت کے خلاف احتجاج کررہی ہیں۔

ریاست کے وزیر اعلی شیوراج سنگھ چوہان نے گزشتہ دنوں گیس سانحہ کی برسی پر ہلاک شدگان کو خراج عقیدت پیش کرتے ہوئے بیوہ خواتین کی پینشن پھر سے شروع کرنے کا اعلان کیا تھا جو اب تک پورا نہیں کیا گیا۔

اسی ضمن میں آج گیس متاثرہ بیوہ خواتین نے مدھیہ پردیش اسمبلی کے سامنے احتجاج کیا اور پینشن بحال کرنے کا مطالبہ کیا۔