پٹاخے کے دھماکے سے تین زخمی

ریاست مدھیہ پردیش کے دارالحکومت بھوپال کے تلئیا تھانہ علاقے کے اتوارا میں پٹاخے جلاتے وقت ہوئے دھماکے میں تین افراد جھلس گئے، جنہیں اسپتال میں داخل کرایا گیا ہے۔

پولیس ذرائع کے مطابق کل دیر رات اتوارا علاقے میں کچھ نوجواں پٹاخے جلا رہے تھے۔اسی دوران ان نوجوانوں نے پٹاخوں کو جمع کرکے ڈبے میں رکھا اور اس میں آگ لگا دی،جس سے ایک زوردار دھماکہ ہوا،جس میں تین افراد جھلس گئے۔

زخمیوں کو الگ الگ اسپتال میں داخل کرایاگیا ہے۔ پولیس نے معاملہ درج کر لیا ہے اور تحقیق شروع کردی ہے۔