اس پروگرام میں کہا گیا کہ 'کتابی علم اور محض پاس ہونے کے لیے پڑھائی کا دور اب بہت پیچھے چھوٹ چکا ہے۔ اب زمانہ مسابقت کا ہے اور میدان میں وہی زیادہ دیر ٹک سکتا ہے جو نمبروں کی اسکرین پر زیادہ فوکس کرے گا -
اس موقع پر امریکن فیڈریشن مسلم انڈین آف اوریجن کے ٹرسٹی ڈاکٹرعبدالرحمن نا کیدار نے تنظیم کے مقاصد کو بیان کرتے ہوئے کہا کہ تنظیم کی سنگ بنیاد 1998 میں رکھی گئی تھی جس کے تحت بھارت کے مسلمانوں میں تعلیم کے تئیں بیداری پیدا کرنا اور انہیں آگے بڑھانا ہے۔
آج کی تقریب میں شامل ہوئے صحافی قربان علی نے کہا مسلم طبقہ تعلیمی میدان میں سب سے کمزور ہے اور اس بات کو کی کمیٹیاں صاف کر چکی ہیں- انہوں نے کہا حکومت اور ملت دونوں کو کوشش کرنی ہوگی تاکہ مسلمان تعلیم میں آگے بڑھ سکے۔
اس موقع پر ان ہونہار طلبا کو سپاس نامہ اور نقد انعام سے نوازا گیا جنہوں نے دسویں اور بارہویں کلاس میں سب سے زیادہ نمبر حاصل کیے ہے-
