ریاست مدھیہ پردیش میں حج کمیٹی نے 2021 کے دوران ریاست سے حج پر جانے والے حاجیوں کو کورونا ٹیکہ کاری کی دونوں خوراک لینے کی ہدایت دی ہے۔
ریاستی حج کمیٹی کے ذمہ دار یاسر عرفات نے آج یہ اطلاع دیتے ہوئے بتایا کہ سعودی عرب کی وزارت حج نے مطلع کر کے حاجیوں کے لئے ٹیکہ کی دونوں خوراک لازمی قرار دی ہے۔
ویکسینیشن سرٹیفکٹ کے بغیر حاجیوں کو سعودی عرب میں داخل ہونے کی اجازت نہیں ہوگی۔
حج کمیٹی آف انڈیا ممبئی نے یہ واضح کیا کہ ابھی تک سعودی عرب حکومت کی جانب سے حاجیوں کو حج پر بھیجنے کے لیے کوئی اطلاع موصول نہیں ہوئی ہے۔
جبکہ حاجیوں کو بلانے اور نہ بلانے کا فیصلہ سعودی حکومت کا ہوگا۔ حج کمیٹی آف انڈیا اور حج کمیٹی مدھیہ پردیش سعودی عرب کے فیصلے کے مطابق ہی آگے کی کارروائی کرے گی۔
البتہ انہوں نے حج کے لئے درخواست کرنے والوں سے گزارش کی ہے کہ وہ حج پر جانے سے قبل کورونا ٹیکہ کاری کے دونوں خوراک لے کر تیار رہیں۔
