ریاست مدھیہ پردیش میں کورونا کی دوسری لہر سے بڑی تعداد میں لوگ متاثر ہوئے ہیں اور انہیں کئی طرح کی پریشانیوں کا سامنا کرنا پڑ رہا ہے ہے۔ اس بیماری سے ضرورت مند اور غریب طبقہ بہت زیادہ متاثر ہوا کیونکہ کہ ان کے گھروں میں جو بھی کورونا سے متاثر ہوا ان کے پاس علاج کے لیے معقول پیسہ نہیں تھا جس کے سبب وہ اچھے علاج سے محروم رہے۔
انہی حالات کو دیکھتے ہوئے ریاستی حکومت نے آیوشمان کارڈ کے تحت لوگوں کو علاج مہیا کروانے کا کام شروع کیا ہے۔ اس کارڈ کے ذریعے لوگوں کو علاج میں چار لاکھ روپے تک کا فائدہ ملے گا۔ اسی کے پیش نظر مسجد کمیٹی کی جانب سے پہل کرتے ہوئے مساجد کمیٹی کے دفتر میں آیوشمان کارڈ بنانے کا کام شروع کیا گیا ہے تا کہ مسلم طبقہ کے لوگوں کو بھٹکنا نہ پڑے۔
ریاست مدھیہ پردیش کی مساجد کمیٹی کے اس قدم کی ستائش کی جا رہی ہے کیونکہ کورونا واءرس کی وجہ سے جس طرح کے حالات بنے ہوئے ہیں اس کے پیش نظر آیوشمان کارڈ اُمید کی کِرن بن کر سامنے آئے گا۔
