ریاست مدھیہ پردیش کے دارالحکومت بھوپال میں خواتین کانگریس نے حال ہی میں ریاست میں سامنے آنے والے ایک فوڈ اسکام کے سلسلے میں روشن پورا چوڑائی پر مظاہرہ کرتے ہوئے وزیراعلی شیوراج سنگھ چوہان کا پتلا نذر آتش کیا۔ وہیں مہیلا کانگریس کی اپیل پر ریاست کے تمام اضلاع میں مظاہرے اور وزیراعلی کے پتلے نذر آتش کئے گئے۔Congress Protest Against Food Scam In Madhya Pradesh
مہیلا کانگریس کی صدر اروبھا پٹیل نے کہا کہ مدھیہ پردیش گھوٹالوں اور بدعنوانی کی ریاست بن گئی۔ تمام محکموں کے بیشتر افسران بدعنوانی میں ملوث پائے جارہے ہیں۔ بی جے پی کے رہنماوں کے بدعوانی میں ملوث پائے جانا عام ہے ۔
واضح رہے کہ ریاست مدھیہ پردیش حکومت پر خواتین کو دیے جانے والے راشن منصوبے میں ڈھائی ہزار کروڑ روپے کے اسکام کا الزام ہے ۔وزیراعلی شیوراج سنگھ چوہان کی قیادت میں ویاپم گھوٹالے کے بعد یہ شاید مدھیہ پردیش کی تاریخ کا دوسرا سب سے بڑا گھوٹالا ہوگا۔
یہ بھی پڑھیں:Shankaracharya Swami Swaroopanand Saraswati شنکر اچاریہ سوامی سروپانند سروتی کو آج بھو سمادھی دی جائے گی
مدھئی پردیش حکومت کی جانب سے حاملہ خواتین کی بہتر صحت کے لئے غذائیت سے بھرپور راشن دیا جاتا ہے۔تاکہ وہ غذائی قلت جیسے مسائل کا شکار نہ ہوں۔ کانگریس خواتین سیل نےفوڈ اسکام کے خلاف ریاست بھر میں احتجاج کیا۔کانگریس کی خواتین رہنماوں نے وزیر اعلی شیوراج سی چوہان کا پتلا نذرآتش کرتے ہوئے ان کے استعفیٰ کا مطالبہ کیا ۔
