اندور کو کمل ناتھ کی مبارک باد

مدھیہ پردیش کے شہر اندور کو قومی صفائی سروے میں چوتھی مرتبہ پہلا مقام پھر سے حاصل ہوا ہے۔ اس موقع پر سابق وزیر اعلی کمل ناتھ نے شہریوں کو مبارکباد پیش کی ہے۔

ریاست مدھیہ پردیش کے سابق وزیراعلی کمل ناتھ نے قومی صفائی سروے۔2020 میں اندور شہر کو چوتھی مرتبہ ملک کا سب سے صاف و ستھرا شہر کا خطاب ملنے پر عوامی نمائندوں و صفائی اہلکاروں و افسران کو مبارک باد دی ہے۔

کمل ناتھ ٹوئٹ

کمل ناتھ نے ٹوئٹ کے ذریعہ مبارک باد دیتے ہوئے کہا کہ 'نہایت ہی خوشی کا لمحہ ہے کہ قومی صفائی سروے۔2020 میں ریاست کا اندور شہر مسلسل چوتھی مرتبہ پہلے مقام پر ہے۔ شہر کے شہریوں نے اپنے جذبے سے واپس یہ مقام حاصل کیا ہے۔ اس کے لئے میں شہر کے صفائی پسند شہریوں کو، رات دن محنت کرنے والے صفائی اہلکاروں، عوامی نمائندوں، افسران و صفائی ملازمین کو مبارک باد دیتا ہوں'۔