گُنا: مدھیہ پردیش کے گُنا میں نامعلوم افراد نے بی جے پی اقلیتی مورچہ کے ضلع صدر ذاکر باوڑی پر حملہ کیا۔ اس حملے میں بی جے پی رہنما بری طرح زخمی ہو گئے ہیں۔ ذاکر باوڑی نے بتایا کہ انہوں نے پی ایف آئی پر پابندی لگانے کے لیے ایک پریس نوٹ جاری کیا تھا جس کے بعد ان پر حملہ کیا گیا۔ پولیس نے بی جے پی لیڈر کی شکایت پر ملزمین کے خلاف ایف آئی آر درج کر لی ہے۔ Deadly Attack on Zakir Bawdi
یہ معاملہ کرنل گنج علاقے میں پیش آیا جب بی جے پی اقلیتی مورچہ کے ضلع صدر ذاکر باوڑی نے پی ایف آئی پر پابندی لگانے کے لیے ایک پریس نوٹ جاری کیا تھا۔ پریس نوٹ میں انہوں نے پی ایف آئی کی سرگرمیوں کو مشکوک قرار دیا تھا جس کے بعد بدمعاشوں نے ان پر جان لیوا حملہ کر دیا۔ اس حملے میں ذاکر باوڑی کے پیروں اور سر پر شدید چوٹیں آئی ہیں۔
اس معاملے میں اے ٹی ایس بھوپال نے گُنا پہنچ کر پی ایف آئی تنظیم سے وابستہ ایک کارکن محسن قریشی کو گرفتار کیا ہے۔ محسن قریشی سے پوچھ گچھ میں کئی انکشافات ہونے کا دعویٰ کیا گیا ہے۔ بتا دیں کہ مرکزی حکومت نے پانچ برسوں کے لیے PFI پر پابندی لگا دی ہے۔
