ریاست مدھیہ پردیش کے دارالحکومت بھوپال کی مسجد وسیلہ کے زیر اہتمام آج بعد نماز جمعہ گیارہویں شریف کے موقع پر سیدنا حضرت عبدالقادر جیلانی کی یاد میں میلاد اور لنگر کا اہتمام کیا گیا۔
اس موقع پر مقررین نے مسلمانوں کو مذہب اسلام کا حوالہ دیتے ہوئے اپنی اولاد سے محبت کرنے کی بات کہی اور انھیں اچھی سے اچھی تعلیم سے آراستہ کرنے پر زور دیا۔
اس موقع پر کہا گیا کہ حضرت عبدالقادر جیلانیؒ نے تعلیم کو لے کر بہت محنت کی، آپ 40 سے 45 سال تک تعلیم حاصل کرتے رہے۔
واضح رہے کہ ہر سال اہل سنت و الجماعت کی جانب سے سیدنا عبدالقادر جیلانیؒ کی یاد میں گیارہویں شریف کے موقع پر لوگوں کی مدد کی جاتی ہے اور لنگر کا اہتمام کر کے کھانا کھلایا جاتا ہے۔
حضرت سیدنا عبدالقادر جیلانیؒ کا زندگی بھر شیوہر رہا کہ وہ غرباء و مساکین کو کھانا کھلایا کرتے تھے اور ان کی ہر ممکن مدد کیا کرتے تھے۔ ہر سال گیارہویں شریف کے موقع پر یہاں اس طرح کا اہتمام کیا جاتا ہے اور ضرورتمندوں کو کھانا کھلا کر فیض حاصل کیا جاتا ہے۔
مزید پڑھیں:
بھوپال: لو جہاد پر خواتین کا شدید ردعمل
اسی عقیدت و محبت کے ساتھ سیدنا عبدالقادر جیلانیؒ جنہیں غوث پاک بھی کہا جاتا ہے، ان کے اسوے پر چلنے کا عہد کیا جاتا ہے تاکہ ان سے نسبت بنی رہے۔
