ریاست مدھیہ پردیش کے دارالحکومت بھوپال میں ہونے والے 72 ویں عالمی تبلیغی اجتماع کو لے کر انتطامات کے تعلق سے انتظامیہ اور پولیس افسر فکرمند دکھائی دے رہے ہیں۔
سلامتی انتظامات کو انجام دینے کے لیے ضلع کلکٹر اور پولیس کے اعلیٰ افسروں نے اجتماع گاہ پر ایک میٹنگ طلب کی- پولیس اور انتظامیہ کے افسروں کے علاوہ اجتماع انتظامیہ کمیٹی کے عہدیداران اور شہر کے ذمہ داران موجود تھے -
اجتماع گاہ حفاظتی انتظامات کے تحت اس بار پولیس نے اجتماع میں شامل ہونے والے لوگوں پر نگرانی رکھنے کے لیے آس پاس تقریبا دس واچ ٹاور اور بنائے ہیں- اس سے پہلے اب تک یہاں پانچ ٹاور سے نگرانی کی جا رہی تھی لیکن موجودہ حالات کو دیکھتے ہوئے انتظامیہ سلامتی بندوبست میں کوئی کسر نہیں رکھنا چاہتی ہے اس دوران ان اجتماع لیجانے والے لوگوں پر نظر رکھنے کے لیے اجتماع گاہ کے باہر کی طرف سی سی ٹی وی کیمرے کے انتظامات بھی کیے جا رہے ہیں-
