تفصیلات کے مطابق، یہ گروہ غیرقانونی ہتھیاروں کے ساتھ فلمی انداز میں سوشل میڈیا پر اپنے فوٹو اپلوڈ کر کے عوام میں رنگ داری اور دہشت کا ماحول پیدا کرنا چاہتے تھے۔ مگر مخبر کی اطلاع اور پولیس کی مستعدی سے گروہ کا پردہ فاش ہو گیا۔
گروہ میں چھ افراد شامل ہیں جن کے پاس سے پولیس نے 6 غیر قانونی ہتھیار برآمد کیے ہیں جس میں تین پستول، تین ریوالور اور 6 زندہ کارتوس بھی برآمد کیے ہیں۔
گرفتار ملزمین پر اس سے قبل بھی مجرمانہ مقدمات درج ہوئے ہیں۔ پولیس کی ابتدائی تفتیش میں انکشاف ہوا ہے کہ یہ لوگ شہر میں موج مستی اور فلمی انداز میں لوگوں پر اپنی دھاک جمانا چاہتے تھے۔