اس بار اجتماع چار دن کا ہوگا 22 سے شروع ہوکر 25 نومبر کو دوپہر میں دعا کے ساتھ اختتام پذیر ہوگا-
اجتماع کے آغاز سے ایک دن پہلے جمعرات کو ہی صبح سے فرزندان ملت کے قافلوں کی آمد شروع ہو گئی تھی اور شام تک اجتماح کا وسیع علاقہ نور میں تبدیل نظر آنے لگا- دیر رات تک آمد بڑھتی گئی اور کل تک یہ تعداد لاکھوں تک پہنچ سکتی ہے۔
اجتماع گاہ گھاسی پورہ کا میدان خالق کائنات اللہ رب العزت کی ثناء خوانی اور آقائے نامدار حضرت محمد صلی اللہ علیہ وسلم اور ان کے صحابہ کرام کی اسلامی تعلیمات کے تحت ایمان افروز قربانیوں کی بیانات کے درمیان شرکاء کی زبانوں سے نکلنے والے کلمہ خیر اور درود شریف کی تلاوت نیز ایک ہی صف میں کھڑے ہو کر پانچ وقت نمازوں کی ادائیگی نے روح پروار منظر کر دیا ہے۔
اجتماع میں دعوت و تبلیغ کے مرکز حضرت نظام الدین سے آج صبح سے ہی اکابرین کی آمد شروع ہو گئی ہے یہ اکابرین مختلف مجلسوں میں اللہ کے دین اور نبی آخر زماں حضرت محمد صلی اللہ علیہ وسلم اور صحابہ کرام کی زندگی کے حوالے سے عام مسلمانوں کو اپنی زندگی گزارنے کی نصیحت فرمائیں گے۔
