مدھیہ پردیش کے گوالیار میں ڈبرا جارہی ایک کار جوارسی کے پاس بے قابو ہوکر گر کھائی میں جا گری۔ اس حادثے میں کار میں سوار ڈابرا کے چار نوجوان موقع پر ہی ہلاک ہو گئے۔ جب کہ ایک زخمی نوجوان کی حالت تشویشناک بتائی جاتی ہے۔
یہ حادثہ اتوار کے روز پیش آیا۔ موقع پر پہنچی مقامی پولیس نے لاشوں کو قبضے میں لے گوالیار لے آئی۔
بتایا جارہا ہے کہ 30 سالہ شیوم، 27 سالہ نوجوت سکھ، 30 سالہ شیوم کھاگٹ اور کارتک پالیوال ایک کار میں سوار ہو کر گوالیار سے ڈبرا گھر لوٹ رہے تھے۔ جوراسی کھائی پر ون چوکی کے پاس ان کی کار بے قابو ہوکر کھائی میں جا گری۔
حادثے میں چاروں نوجوانوں کی موت ہو گئی۔ وہیں، ایک نوجوان زخمی بتایا جا رہا ہے۔ ان کا ایک دیگر ساتھی بھی کار میں سوار تھا، جس نے پولیس کو حادثے کی جانکاری دی۔ اس حادثے میں 4 نوجوانوں کی موت سے پورا ڈبرا شہر رنج و غم میں ڈوب گیا۔
مزید پڑھیں:
سڑک حادثے میں تین افراد ہلاک، آٹھ زخمی
فی الحال پولیس اس پہلو پر جانچ کر رہی ہے کہ گاڑی بے قابو ہو کر کھائی میں گری تھی یا کسی نامعلوم گاڑی نے انہیں ٹکر ماری تھی۔
