ریاست مدھیہ پردیش کے رائسین میں تعینات تین ریونیو افسران کی ایک تصویر وائرل ہونے بعد محکمہ نے تینوں افسران کو معطل کردیا ہے۔
دراصل ریونیو افسران کی ایک تصویر وائرل ہوئی تھی جس میں تینوں افسران دفتر میں شراب نوشی اور شراب کی بوتلوں کے ساتھ سیلفی لے رہے تھے۔
جس کے بعد محکمہ نے ان کے خلاف کارروائی کی ہے۔ محکمہ نے وائرل تصویر کی تحقیقات کے بعد پٹواری اجے دھاکڈ، دھرمیندر مہرہ اور دیا رام کو معطل کردیا۔
وائرل ہونے والی تصاویر میں پٹواری ہاتھوں میں مہنگی شراب کی بوتلیں دکھا رہے ہیں جبکہ کچھ تصاویر میں شراب کی بوتلوں کے ساتھ ساتھ گلاس میں بھی شراب دکھائی دے رہی ہے۔
بتایا جارہا ہے کہ 'تینوں ملازمین نے آفس میں ہی شراب نوشی کی ہے۔ اس دوران انہوں نے سیلفی بھی لی تھی۔
سب ڈویژنل آفیسر وجندر راوت نے کہا کہ 'سوشل میڈیا پر وائرل ہونے والی تصویر کی تحقیقات کے بعد مدھیہ پردیش سول سروس (درجہ بندی ، کنٹرول اور اپیل) قواعد ، 1966 کے ضابطہ 9 کے تحت فوری طور پر تینوں پٹواریوں کو معطل کردیا گیا ہے۔'
