بھوپال: مدھیہ پردیش حکومت نے دیر رات انڈین ایڈمنسٹریٹو سروس (آئی اے ایس) کے دو درجن سے زیادہ افسران کے تبادلے کے احکامات جاری کیے اور تقریباً ایک درجن اضلاع کے کلکٹر بھی متاثر ہوئے۔ اندور کے ضلع کلکٹر منیش سنگھ کو ریاستی صنعتی ترقی کارپوریشن کا منیجنگ ڈائریکٹر بنایا گیا ہے۔ اس کے ساتھ ہی جبل پور کے کلکٹر الیا راجہ ٹی کو اسی پوسٹ پر اندور بھیجا گیا ہے۔ بھوپال واقع آر سی وی پی نرونہا اکادمی کی ڈائریکٹرمحترمہ سونالی وانگنکرکوکمشنر کم ڈائریکٹر، انڈین سسٹم آف میڈیسن اینڈ ہومیوپیتھی کے طور پر تعینات کیا گیا ہے۔ IAS Officers Transferred in MP
مدھیہ پردیش اسٹیٹ اسکل ڈیولپمنٹ اینڈ ایمپلائمنٹ جنریشن بورڈ کی چیف ایگزیکٹیو آفیسر شنمکھ پریہ مشرا، ڈائریکٹر ان اسٹاف سلیکشن بورڈ بھوپال، چھندواڑہ کے کلکٹر سورو کمار سمن کو جبل پور کلکٹر، عمریا کلکٹر سنجیو سریواستو کو مدھیہ پردیش اسٹیٹ اسکل ڈیولپمنٹ اینڈ ایمپلائمنٹ جنریشن بورڈ کا چیف ایگزیکٹو آفیسر اور دیواس کلکٹر چندرمولی شکلا کو مدھیہ پردیش ہوم کنسٹرکشن اینڈ انفراسٹرکچر ڈیولپمنٹ بورڈ میں کمشنر کی ذمہ داری سونپی گئی ہے۔
یہ بھی پڑھیں: Transfer of JK Officers جموں وکشمیر میں کئی افسران کا تبادلہ اور تقرریاں
سیدھی کلکٹر مجیب الرحمن خان کو آرسی وی پی نورونہا ایڈمنسٹریشن اینڈ مینجمنٹ اکیڈمی میں ڈائریکٹر، دھان کے کلکٹر پنکج جین کو مدھیہ پردیش پبلک ہیلتھ سروسز کارپوریشن لمیٹڈ بھوپال میں منیجنگ ڈائریکٹر ، سیہور کے کلکٹر چندراموہن ٹھاکر کو ریاستی آلودگی کنٹرول بورڈ میں ممبر سکریٹری اور نرسنگ پور کے کلکٹر روہت سنگھ کو مدھیہ پردیش کی اسمال انڈسٹریز کارپوریشن کا منیجنگ ڈائریکٹر بنایا گیا ہے۔اسی طرح دیگر افسران کے تبادلے بھی عمل میں آئے ہیں۔
یو این آئی
