گاڑی پلٹنے سے 22 افراد زخمی، دو کی حالت نازک

ودیشا میں آج صبح ایک لوڈنگ گاڑی کے الٹ جانے سے 22 افراد زخمی ہوگئے۔ جب کہ دو کی حالت تشویشناک بنی ہوئی ہے، جنہیں علاج کے لیے بھوپال ریفر کردیا گیا ہے۔

ودیشا: مدھیہ پردیش کے ضلع ودیشا کے سول لائنز تھانہ علاقے میں آج صبح ایک لوڈنگ گاڑی کے الٹ جانے سے 22 افراد زخمی ہوگئے۔ ان میں سے دو کی حالت نازک ہے، جنہیں علاج کے لیے بھوپال ریفر کردیا گیا ہے۔

پولیس ذرائع کے مطابق ودیشا- گیارس پور روڈ پر صبح ایک لوڈنگ گاڑی بے قابو ہوکر الٹ گئی، جس سے اس میں سوار 35 سے زائد افراد میں سے 22 افراد زخمی ہوگئے۔ ان میں سے دو کو تشویشناک حالت میں بھوپال علاج کے لیے ریفر کر دیا گیا ہے، جبکہ باقی زخمیوں کا ودیشا کے سرکاری اسپتال میں علاج کیا جارہا ہے۔ بتایا جارہا ہے کہ یہ لوگ دھان کی کٹائی کے لئے کٹنی سے ودیشا آرہے تھے۔

یو این آئی