اندور میں اس مہلک وبا سے اب تک 8490 مریض صحتیاب ہوئے ہیں۔
چیف میڈیکل اینڈ ہیلتھ آفیسر (سی ایم ایچ او) نے گذشتہ رات ہیلتھ بلیٹن جاری کرتے ہوئے کہا کہ اب تک مجموعی طور پر 202232 نمونوں کی جانچ کی جاچکی ہے۔ ان میں کل جانچ کیے گئے 1739 نمونے شامل ہیں۔
گذشتہ روز ٹیسٹ کیے گئے نمونوں میں 171 متاثر ہیں۔ جس کے بعد مریضوں کی تعداد 12031 ہوگئی ہے۔ وہیں، کل چار افراد کی ہلاکت کے اندراج کے بعد اب تک 375 مریضوں کی موت ہوچکی ہے۔
دوسری جانب راحت کی خبر ہے کہ اب تک 8490 متاثرہ مریض صحت یاب ہوچکے ہیں ، جس کے بعد زیر علاج مریضوں کی تعداد 3166 ہے۔ وہیں اب تک 6045 مشتبہ افراد کو تنظیمی قرنطینہ مراکز سے رہا کیا گیا ہے۔
