مدھیہ پردیش بورڈ آف سیکنڈری ایجوکیشن کے تعلقات عامہ کے افسر ایس کے چورسیا نے بتایا کہ نتائج کا اعلان آج دوپہر 12 بجے ایم پی بورڈ کی ویب سائٹ پر کیا جائے گا۔
کورونا انفیکشن کی وجہ سے دسویں جماعت کے طلباء کا دو پرچہ نہیں ہوسکا تھا جس کے بعد ان 2 مضامین میں جنرل پرموشن دیا جا رہا ہے۔ وہیں باقی مضامین کی کاپیاں چیک ہو چکی ہیں۔
وہیں بارہویں جماعت کے نتائج میں ابھی وقت لگے گا۔ بورڈ آف سیکنڈری ایجوکیشن کے تعلقات عامہ کے افسر ایس کے چورسیا نے بتایا کہ 'ایم پی بورڈ کیہ ویب سائٹ پر دوپہر 12 بجے نتائج کا اعلان کیا جائے گا۔ جس کے بعد طلبا اپنا نتیجہ دیکھ سکتے ہیں۔
یہ بھی پڑھیں: یوپی مدرسہ بورڈ کے نتائج کا اعلان
واضح رہے کہ کورونا وائرس کی وجہ سے اس برس نتائج کا اعلان 2 ماہ تاخیر سے کیا جارہا ہے۔ ہر سال دسویں اور بارہویں جماعت کے نتائج کا اعلان مئی کے آخری ہفتے میں کیا جاتا تھا لیکن اس برس کورونا وائرس کی وجہ سے دسویں کا نتیجہ جولائی کے مہینے میں ظاہر کیا جارہا ہے۔
