وزیر مملکت پرہلاد سنگھ پٹیل نے مرکزی علاقہ لداخ میں ایڈونچر، سرمائی کھیلوں اور مقامی صلاحیتوں کے فروغ کے لیے کرگل کا دورہ کیا اور وہاں مختلف تقاریب میں حصہ لیا۔
اپنے دورے کے دوران انہوں نے قومی سیاحتی دن کے موقع پر مقامی صلاحیتوں کی حوصلہ افزائی کے لیے آئس ہاکی میچ دیکھا۔
وزارت ثقافت نے ایک ٹویٹ میں کہا کہ پرہلاد سنگھ پٹیل نے لداخ کے رُکن پارلیمان نمگیال کے ہمراہ کرگل میں آئس ہاکی میچ دیکھا اور اس دوران کھلاڑیوں کی حوصلہ افزائی کی۔ ٹویٹ میں مزید کہا گیا ہے کہ کرگل میں سرمائی کھیلوں کو فروغ دینے اور مقامی نوجوانوں کی صلاحیتوں کو نکھارنے کے لیے ان کی حوصلہ افزائی کی۔
کشمیر: امسال چھ لاکھ امرناتھ عقیدت مندوں کی آمد متوقع
پرہلاد سنگھ پٹیل نے میتریہ بدھ کے 30 فٹ کے مجسمے کو دیکھنے کے لیے مُل بیکھ خانقاہ کا بھی دورہ کیا، جہاں وہ مقامی روایتی رقص سے لطف اندوز ہوئے۔
پرہلاد سنگھ پٹیل نے کہا کہ مرکزی حکومت میں ایڈونچر ٹورازم کو بڑھانے کے لیے کام کرے گی تاکہ دنیا بھر سے سیاح یہاں کی طرف راغب ہو سکے۔
موصوف نے ان باتوں کا اظہار لنکی پل سکی سلوپ پشکم میں نیشنل ایونٹ آف ایڈونچر ٹورزم 2021 کا افتتاح کرنے کے بعد کہا۔ بتا دیں کہ اس ایونٹ میں 15 کھلاڑیوں نے حصہ لیا۔
