وزیر دفاع راجناتھ سنگھ نے لداخ کے لیہ میں 26ویں کسان جوانان وگیان میلے کا افتتاح کیا۔
وزیردفاع نے اپنے ٹویٹ میں کہا ، " لیہ کے لیے نئی دہلی سے روانہ ہو رہا ہوں، جہاں ڈی آر ڈی او کے زیر اہتمام ایک پروگرام میں شرکت کروں گا''۔
دفعہ 370 کی منسوخی کے بعد وزیر دفاع کا لداخ کا یہ پہلا دورہ ہے۔
دفاعی افسر نے بتایا کہ اس دورے کے دوران، راجناتھ سنگھ علاقے میں تعینات مقامی لوگوں کے علاوہ فوجی عہدیداروں سے مختلف امور گفت و شنید کریں گے۔
سرحد پر مقیم سکیورٹی اہلکار وزیر دفاع کو چین اور پاکستان دونوں سرحدوں پر سکیورٹی کی صورتحال سے آگاہ کریں گے۔
راجناتھ کا یہ دورہ لداخ کو مرکز زیر انتظام کئے جانے کے بعد ہو رہا ہے۔
راج ناتھ سنگھ نے وزیر دفاع کا عہدہ سنبھالنے کے فورا بعد ہی انہوں لداخ کا دورہ کیا تھا اور سیاچن جنگ کی یادگار پر پھولوں کی چادر چڑھائی۔
