شمالی کشمیر کے کپوارہ ضلع میں پینے کے صاف پانی کی قلت کو مد نظر رکھتے ہوئے انتظامیہ کی جانب سے وڈی پورہ علاقے میں ایک فلٹریشن پلانٹ کی تعمیر کا کام شروع کیا گیا جو نا معلوم وجوہات کی بنا پر ادھورا چھوڑ دیا گیا۔
مقامی باشندوں نے ای ٹی وی بھارت کے ساتھ بات کرتے ہوئے کہا کہ کئی سال قبل علاقے میں فلٹریشن پلانٹ کی تعمیر کا کام شروع کیے جانے سے مقامی آبادی میں خوشی کی لہر دوڑ گئی تھی، تاہم اس کام کو پورا نہ کیے جانے سے علاقے میں پانی کی شدید قلت برقرار ہے۔
اس حوالے سے مقامی آبادی کا کہنا تھا کہ انہوں نے متعلقہ افسران و ٹھیکہ دار سے رابطہ کیا تو انہوں نے کہا کہ ’’رقومات واگزار نہ کیے جانے کے سبب فلٹریشن پر مزید کام ممکن نہ ہو سکا۔‘‘
انہوں نے اس حوال سے لیفٹینٹ گورنر انتظامیہ سے فنڈس واگزار کرنے کی اپیل کی تاکہ علاقے میں پانی کی عدم دستیابی کے حوالے سے مشکلات کا ازالہ ہو سکے۔
