شمالی کشمیر کے ضلع کپوارہ میں اے این ایز کی نقل و حرکت سے متعلق اہم معلومات کی بنیاد پر کپوارہ پولیس نے فوج کی 28 آر آر اور 162 سی آر پی ایف کے مشترکہ تعاون سے وانی دروسہ سوگام میں ناکہ بندی کرکے تلاشی شروع کی۔
چیکنگ کے دوران ایک شخص مشکوک حالت میں پایا گیا جس کو ناکہ پر تعینات چیکنگ ٹیم نے گرفتار کرلیا۔
کپوارہ پولیس کے مطابق ابتدائی تفتیش کے دوران گرفتار شخص کی شناخت عبدالرشید ولد غلام مصطفی کے طور پر ہوئی ہے جو کہ لون نگم کیرن کا رہائشی ہے۔
پولیس نے جب اس کی ذاتی تلاشی لی تو اس کے پاس سے اسلحہ اور گولہ بارود بھی برآمد ہوا، جس میں تین دستی بم اور 58 راؤنڈ اے کے 47 شامل تھا۔
پولیس نے گرفتار شخص کے خلاف اسلحہ ایکٹ اور دھماکہ خیز سبسٹنس ایکٹ کے تحت تھانہ سوگام میں ایف آئی آر درج کیا ہے اور مزید تفتیش جاری ہے۔
