پلوامہ: انڈسٹڑیل ایریا میں بنیادی مسائل حل کرنے کی اپیل

ضلع پلوامہ کے لاسیی پورہ علاقے کے انڈسٹریل ایریا میں انڈسٹری مالکان نے انتظامیہ سے اپیل کی ان کے دیرینہ مطالبہ کو مکمل کیا جائے۔

ضلع پلوامہ کے لاسیی پورہ انڈسٹریل ایریا میں انڈسٹری یونٹ مالکان کو اندرونی سڑکوں کی خستہ حالی، پانی اور بجلی جیسے مسائل درپیش ہیں جس کے لئے انڈسٹری مالکان نے انتظامیہ سے اپیل کی کہ وہ ان کے مسائل کو ترجیح بنیادوں پر حل کریں۔

اس سلسلے میں انڈسٹریل ایریا لاسیی پورہ کے پریذیڈنٹ مظفر احمد نے بات کرتے ہوئے کہا کہ ہم نے کئی بار اپنے مسائل انڈسٹریز ڈپارٹمنٹ کے نوٹس میں لائے تاہم وہ ان مسائل کا حل کرنے میں ناکام رہے ہیں۔

انہوں نے کہا کہ بجلی ،پانی اور سڑک رابط ایک انڈسٹری یونٹ کے اہم ہوتے ہیں لیکن انڈسٹریز ڈپارٹمنٹ ان کو فراہم کرنے میں ابھی تک ناکام ہوا ہے۔

انہوں نے انتظامیہ سے اپیل کی کہ وہ ان کے درپیش مسائل کو جلداز جلد حل کریں۔