جموں و کشمیر کے ضلع کپواڑہ کے ہندوارہ میں پولیس نے غیر قانونی کانکنی کے الزام میں ایک جے سی بی ضبط کرلیا ہے۔ پولیس چوکی لنگیٹ کی ٹیم نے سب انسپکٹر شاہد نذیر کی قیادت میں جیالوجی اینڈ مائننگ محکمہ کے اہلکاروں نے ایم ایم آر ڈی ایکٹ کے تحت ایک جے سی بی کو قبضے میں لے لیا اور معاملے کی مزید تفتیش جاری ہے۔
پولیس کے مطابق جے سی بی کا استعمال سرکاری اراضی سے غیر قانونی طور پر معدنیات نکالنے میں کیا جارہا تھا۔
مزید پڑھیں:
ہندوارہ پولیس نے عوام سے اپیل کی کہ وہ کسی بھی ندی نالے سے پتھر، ریت اور دیگر معدنیات غیر قانونی طور پر نکالنے میں ملوث نہ ہوں اور جو افراد اس میں ملوث پائے جائیں گے اُن کے خلاف قانونی کارروائی کی جائے گی۔
