دن میں کھلی دھوپ اور تپتی گرمی کے بعد سہ پہر کو موسم نے کروٹ لی جس کے بعد ہندواڑہ اور اسکے محلقہ علاقہ جات میں تیز ہوا کے ساتھ ساتھ بارش ہوئی اور بارش کے ساتھ تقریباً دو منٹ تک ژالہ باری ہوئی جس سے میوہ باغات اور دھان کی پنیری کو نقصان پہنچا ہے۔
کھیتوں میں لگی پنیری تیز بارش کے باعث کھیتوں میں ہی سم کر گئی۔ ہندوارہ کے جن علاقوں میں ژالہ باری ہوئی ان میں گلورہ لنگیٹ، ماور، راجور، اپر راجوار مین ٹاون شامل ہے۔ ہفتہ کے سہ پہر کو شدید ژالہ باری اور تیز بارش سے کافی تباہی ہوئی ہے، جس کی وجہ سے میوہ باغات اور دھان کی پنیری کو شدید نقصان پہنچا ہے۔
ہفتہ کی سہ پہر کو موسم نے کروٹ لی اور تیز بارش کے ساتھ آسمان سے اولے گرے جس کے نتیجے میں میوہ باغات سبزی باغوں اور دھان کی پنیری کو شدید نقصان پہنچا ہے۔ جس سے میوہ کے کسان کافی غمزدہ اور مایوس نظر آئے اور ان کی آنکھوں میں آنسو بھر آئے۔ انہوں نے امسال میوہ سے کافی امیدایں وابستہ کر رکھی تھی لیکن اس بارش نے انکی امیداوں پر پانی پھیر دیا۔
