شمالی کشمیر کے ضلع کپواڑہ کے کرال پورہ علاقے میں کنویں کی صفائی کے دوران دم گھٹنے سے چار افراد کی موت ہوئی ہے۔
تفصیلات کے مطابق محمد الطاف شیخ نامی ایک مزدور کنویں کی صفائی کر رہا تھا اور اس دوران دم گھٹنے سے اس کی موت ہوئی۔
ذرائع نے بتایا کہ واقع کی خبر ملتے ہی مزید تین افراد اُسے بچانے گئے، تاہم ان کی بھی موت واقع ہو گئی، جن کی شناخت ممتاز احمد خان، الطاف خان، شوکت احمد خان ہوئی ہے۔
ذرائع نے بتایا کہ چاروں کی موت دم گھٹنے سے ہوئی ہے۔ چاروں کی لاشیں کنویں سے نکال لی گئی ہے اور پوسٹ مارٹم کے لیے بھیج دی گئی ہے۔
تاہم پولیس کا کہنا ہے کہ موت کی اصل وجہ پوسٹ مارٹم رپورٹ کے بعد ہی معلوم ہوگی۔
