شمالی کشمیر کے ضلع کپوارہ کے ہیہامہ جنگلات میں جمعرات کی صبح ایک نوجوان کی لاش پائی گئی۔
ذرائع نے بتایا کہ کپواڑہ کے ہیہامہ جنگلات میں جمعرات کی صبح کچھ خواتین جنگلی سبزی لانے کے لیے گئی تھیں۔ انہوں نے وہاں ایک نوجوان کی لاش کو دیکھا۔
انہوں نے بتایا کہ خواتین نے اس بارے میں اپنے گاؤں کے کچھ مردوں کو مطلع کیا، جنہوں نے پولیس کو اس کی اطلاع دی۔ بعدازاں پولیس کی ایک ٹیم موقع پر پہنچی اور لاش کو اپنی تحویل میں لے کر سب ڈسڑکٹ ہسپتال کپواڑہ منتقل کیا۔
قانونی لوازمات پورے کرنے کے بعد لاش کو لواحقین کے حوالے کردیا گیا ہے۔ پولیس نے معاملے کی نسبت کیس درج کر کے مزید تحققیات شروع کر دی۔
