جموں و کشمیر میں 28 نومبر سے شروع ہونے جارہے ڈی ڈی سی انتخابات کے درمیان آرمی کے جوانوں نے ایک خاتون اور اس کے نومولود بچے کو اس کے گھر تک پہنچانے میں مدد کی، جس کے بعد عوام کا مثبت ردعمل سامنے آیا اور لوگوں نے آرمی کے جوانوں کی خوب تعریف کی۔
معلوم ہوا ہے کہ مذکورہ خاتون کئی دنوں سے سوگام ہسپتال میں زیر علاج تھی اور اس کی ڈیلیوری کے بعد اس کو ہسپتال سے چھٹی دے دی گئی تھی۔ تاہم اس خاتون کے گاؤں تک کا راستہ برف سے ڈھکا ہوا تھا، جس کی وجہ سے اس کو گھر پہنچ پانا مشکل ہی نہیں ناممکن تھا۔
یہ بھی پڑھیں: جموں و کشمیر : ڈی ڈی سی انتخابات کے پہلے مرحلہ پر ایک نظر
تاہم فوج کے 28 آر آر کے اہلکاروں نے مذکورہ خاتون کو چارپائی کے ذریعے گھر تک پہنچانے میں مدد کی اور دونوں ماں اور بچے کو بحفاظت اس کے گھر تک پہنچایا۔ جس پر مقامی لوگوں نے فوج کی خوب تعریف کی اور شکریہ بھی ادا کیا۔
