کولگام: ضلع کولگام میں قاضی گنڈ بانہال فور لین ٹنل کے نزدیک بدھ کو پیش آئے ایک حادثہ میں تین افراد زخمی ہو گئے۔ نمائندے کے مطابق یہ حادثہ بدھ کو اُس وقت پیش آیا جب صوبہ جموں سے سرینگر کی جانب جا رہی ایک کار زیر رجسٹریشن نمبر JK08K 9909ایک ٹرک کے ساتھ ٹکرا گئی۔ Three Injured During Road Accident in Qazigund
زخمیوں کو فوری طور ایمرجنسی اسپتال قاضی گنڈ منتقل کیا گیا جہاں ابتدائی طبی امداد کے بعد زخمیوں کو علاج و معالجہ کے لیے گورنمنٹ میڈیکل کالج و اسپتال اننت ناگ منتقل کیا گیا۔ زخمیوں میں 35 سالہ سوشقنت سنگھ، 33 سالہ پرنب اور 25 سالہ ارون سنگھ ساکنان کٹھوعہ شامل ہیں۔ ڈاکٹروں کے مطابق زخمی ہوئے تینوں افراد کی کی حالت مستحکم ہے۔ Qazigund Road Accident
حادثے کے باعث سرینگر جموں شاہراہ پر کچھ دیر تک گاڑیوں کی آمد و رفت میں خلل پڑا۔ پولیس نے معاملہ کی نسبت کیس درج کرکے مزید تحقیقات شروع کی کر دی ہے۔
