عسکریت پسندوں کے حملے میں چار فوجی جوان زخمی

فورسز نے حملہ آوروں کو پکڑنے کے لیے پورے علاقے کا محاصرہ کر لیا ہے۔

جنوبی کشمیر کے ضلع کولگام میں عسکریت پسندوں کے حملے میں 4 سکیورٹی اہلکار کے زخمی ہونے کی اطلاع ہے۔

تفصیلات کے مطابق جنوبی ضلع کولگام میں عسکریت پسندوں نے فوجی کی ایک پارٹی پر حملہ کیا جس کے نتیجے میں چار فوجی جوان زخمی ہوگئے۔

ذرائع نے بتایا کہ چاروں کو فوری طور پر ہسپتال منتقل کیا گیا۔ ان میں سے دو شدید زخمی ہو گئے ہیں۔

ادھر حملے کے فوراً بعد علاقے کو محاصرے میں لیا ہے اور حملہ آوروں کو پکڑنے کے لیے تلاشی کاروائی شروع کر دی ہے۔