کولگام: بجلی نہ ہونے کے خلاف احتجاج

احتجاجیوں کا کہنا ہے کہ ان کا گاؤں بجلی سے محروم ہے جس کے باعث انہیں سخت مشکلات درپیش ہیں۔

ضلع کولگام کے چیک وازہ کنڈ کے لوگوں نے بجلی کی عدم دستیابی کے سلسلے میں احتجاج کیا۔

احتجاجیوں کا کہنا ہے کہ ان کا گاؤں بجلی سے محروم ہے جس کے باعث انہیں سخت مشکلات درپیش ہیں۔ لوگوں کا کہنا تھا کہ انہوں نے گاؤں کا ٹرانسفارمر کئی بار ٹھیک کروایا تاہم اورلوڈنگ کے باعث ٹرانسفارمر بار بار خراب ہو رہا ہے۔

انہوں نے کہا کہ محکمہ کو کئی بار توجہ مبذول کرانے کے بعد بھی ٹرانسفارمر کی صلاحیت نہیں بڑھائی گئی جس کے باعث وسیع آبادی برقی رو کی محرومی سے گھپ اندھیرے میں ہیں۔ لوگوں نے محکمہ بجلی سے نیا ٹرانسفارمر جلد نصب کرنے کی مانگ کی ہے۔