قصبہ کولگام میں کئی دن قبل بجلی ٹرانسفار خراب ہونے کے بعد علاقے میں بجلی بحال نہیں کی گئی۔ وہیں بجلی کی ترسیلی لائنیں زمین پر پڑے ہونے کے سبب مقامی دکانداروں اور راہگیروں کو کسی بڑے حادثے کا اندیشہ لاحق ہے۔
کولگام: بجلی کی ترسیلی لائن زمین پر، محکمہ بجلی خاموش تماشائی
مقامی دکانداروں کے مطابق بجلی کی ترسیلی لائنیں کئی دنوں سے زمین پر پڑی ہوئی ہیں، اگر چہ ٹرانسفارمر خراب ہونے کے سبب بجلی کی سپلائی منقطع ہے تاہم انہوں نے کئی مرتبہ محکمہ بجلی سے ترسیلی لائنیں زمین پر سے ہٹانے کی درخواست کی۔
انہوں نے دعویٰ کیا کہ کئی مرتبہ محکمہ بجلی سے رجوع کرنے کے باوجود محکمہ بجلی اس جانب سنجیدگی کا مظاہرہ نہیں کر رہا۔
وادی کشمیر میں محکمہ بجلی کس قدر فعال ہے اس کا اندازہ کولگام میں زمین پر پڑی ترسیلی لائنز سے بخوبی پتہ لگایا جا سکتا ہے۔
