جنوبی کشمیر کے ضلع کولگام کے دیوسر علاقے میں تصادم آرائی میں پاکستانی عسکریت پسند کمانڈر حیدر کی ہلاکت کو ایک بڑی کامیابی قراردیتے ہوئے آئی جی پی وجے کمار نے بتایا ہے کہ مرنے والا عسکریت پسند کئی پُرتشدد واقعات میں مطلوب تھا۔ Pakistani militant Haidar killed in Kulgam encounter آج علی الصبح دیوسر علاقے میں عسکریت پسند اور سکیورٹی فورسز کے مابین ہوئی تصادم آرائی میں پاکستانی جنگجو سمیت دو عسکریت پسند ہلاک ہوئے ہیں۔ ان کا تعلق لشکر طیبہ تنظیم سے تھا۔ اس ضمن میں انسپکٹر جنرل آف پولیس کشمیر وجے کمار نے بتایا کہ پاکستانی جنگجو حیدر متعدد مقدموں میں فوج اور پولیس کو مطلوب تھا۔
انہوں نے بتایا کہ حیدر کی ہلاکت ایک بہت بڑی کامیابی ہے اور کہا کہ حیدر ایک پاکستانی شہری تھا اور شمالی کشمیر میں دو سال سے زیادہ عرصے سے سرگرم تھا اور حالیہ دنوں میں شمالی کشمیر سے کولگام منتقل ہو تھا۔ انہوں نے کہا کہ وہ عسکریت پسندی کے متعدد واقعات میں ملوث تھا۔ دوسرے ہلاک کیے گئے عسکریت پسند کی شناخت کولگام کے شہباز شاہ کے طور پر کی گئی ہے جو مقامی ہے۔
یہ بھی پڑھیں: Encounter in Kulgam: کولگام انکاؤنٹر میں پاکستانی کمانڈر سمیت دو عسکریت پسند ہلاک
