جنوبی کشمیر کے ضلع کولگام میں جنگلی جانور ضلع کے بیشتر علاقوں میں مقامی لوگوں پر حملہ کرنے لگے ہیں۔
ضلع کے چہلن علاقے میں گزشتہ دنوں ایک شخص پر جنگلی جانور نے حملہ کرکے اسے شدید طور سے زخمی کردیا تھا اور اسی طرح کی خبریں اشموجی، بوگنڈ و دیگر علاقوں سے بھی آتی رہتی ہیں۔
وہیں آج بعد دوپہر ضلع اسپتال کولگام میں ایک فرد کو زخمی حالات میں لایا گیا جو زندگی اور موت کی جنگ لڑرہا تھا۔
ضلع اسپتال کے میڈیکل سُپریٹنڈنٹ مظفر احمد کے مطابق اسپتال میں گزشتہ مہینے درجنوں افراد کو زخمی حالات میں لایا گیا جنہں جنگلی جانوروں نے زخمی کیا تھا۔
انہوں نے کہا کہ آج بھی اسپتال میں نورآباد علاقے سے تعلق رکھنے والے ایک پچاس برس کے بزرگ بشیر احمد ولد گل محمد کو زخمی حالات میں لایا گیا جنہں ڈاکٹروں نے بہتر علاج معالجہ کے لیے اننت ناگ اسپتال منتقل کردیا۔
بشیر احمد پر ریچھ نے حملہ کیا تھا، ضلع کےباشندوں نے جنگلی جانور کے انسانوں پر حملہ آور ہونے سے ڈرے ہوئے ہیں۔
واضح رہے کہ گزشتہ دنوں جنگلی جانورں کے حملوں میں ابھی تک ضلع میں بہت سی جانیں گئی ہیں جن میں کمسن بچے بھی شامل ہیں۔
