جنوبی کشمیر کے ضلع کولگام میں راجیہ سبھا رکن نظیر احمد لاوے نے ایک نجی جِم سینٹر کا افتتاح کیا۔ نوجوانوں کو کھیل کود کی سرگرمیوں میں حصہ لینے اور جسمانی نشو و نما کی جانب راغب کرنے کی غرض سے ضلع کولگام کے چولگام میں جِم سینٹر کا افتتاح کیا۔
جم کے افتتاح کے موقع پر رکن پارلیمان نے نوجوانوں کو کھیل کود کی سرگرمیوں میں بڑھ چڑھ کر حصہ لینے پر زور دیا۔
کولگام: راجیہ سبھا ممبر نے کیا جِم کا افتتاح
اس موقع پر نظیر احمد لاوے نے کہا کہ جسمانی ورزش سے نہ صرف انسان ظاہر طور صحت مند رہتا ہے بلکہ ذہنی طور پر انسان تندرست رہتا ہے۔
انہوں نے نوجوانوں کو پڑھائی کے ساتھ ساتھ کھیل کود میں بھی دلچسپی رکھنے پر زور دیا۔
افتتاح کے دوران راجیہ سبھا ممبر کے ہمراہ مقامی ایس ایچ او اور درجنوں نوجوان موجود تھے۔
