وادی کشمیر میں بے پناہ قدرتی آبی ذخائر ہونے کے باوجود اکیسویں صدی میں بھی کئی علاقوں میں لوگوں کو پینے کے پانی کی قلت کا سامنا کرنا پڑ رہا ہے۔
ضلع کولگام کے ریڈونی پائین علاقے میں دعوت پر بلائے گئے مہمانوں کی پیاس بجھانے کے لیے میزبان پانی جمع کرنے میں مشغول ہو گئے۔ لوگوں کے مطابق علاقے میں کئی دنوں سے پینے کے پانی کی سپلائی متاثر ہے جس وجہ سے لوگوں کو پینے کے پانی کی قلت کا سامنا ہے۔
میزبانوں نے تنگ آکر وائرل ویڈیو کے ذریعے اپنے داد رسی بیان کی۔ وائر ویڈیو میں میزبان پانی جمع کرتے دیکھے جا سکتے ہیں۔
محض دو روز قبل دنیا بھر کی طرح جموں و کشمیر کے بیشتر علاقوں میں بھی عالمی یوم آب کے سلسلے میں تقاریب کا اہتمام کیا گیا تاہم جموں و کشمیر میں کسی نہ کسی علاقے میں پینے کے پانی کی قلت کے حوالے سے احتجاج اب ایک معمول بن چکا ہے۔
کولگام کے ریڈونی علاقے کے وائرل ویڈیو سے انتظامیہ خصوصاً محکمہ جل شکتی کے بلند و بانگ دعووں کی قلعی کھل جاتی ہے۔
