پولیس ذرائع کے مطابق کولگام پولیس نے ناکہ چیکنگ کے دوران ایک اسکوٹی کو روک کر اس کی تلاشی لی۔ پولیس کے مطابق چیکنگ کے دوران اہلکاروں نے قریب 50 گرام چرس بر آمد کر کے اسکوٹی سوار کو حراست میں لے لیا۔
پولیس ذرائع نے گرفتار کیے گئے شخص کی شناخت چمبر کے رہنے والے شوکت احمد گنائی ولد عبد الاحد گنائی کے طور پر کی ہے۔
شوکت کو حراست میں لینے کے علاوہ اس کی تحویل سے برآمد منشیات اور اسکوٹی کو بھی ضبط کر لیا گیا ہے۔
اس ضمن میں پولیس نے ایف آئی آر نمبر 20/2021 U / S 8/20 این ڈی پی ایس ایکٹ پولیس اسٹیشن ڈی ایچ پورہ میں درج کر کے مزید تفتیش شروع کر دی ہے۔
جموں و کشمیر پولیس نے منشیات کا قلع قمع کرنے کے لیے عوام سے بھی تعاون طلب کیا ہے۔
