ڈی سی کولگام نے منگل کو ضلع میں قائم متعدد قرنطینہ مراکز کا دورہ کرکے وہاں سہولیات اور انتظامات کا جائزہ لیا۔
نمائندے کے مطابق ڈی سی کولگام نے گورنمنٹ ڈگری کالج کولگام میں قرنطینہ مراکز میں اضافی راش جمع کرنے کی بھی ہدایت کی۔ بعدازاں انہوں نے چھتہ بل کے ریڈ زون علاقوں کا دورہ کیا۔
انہوں نے لاک ڈائون کے دوران سماجی دوری اور دیگر احتیاطی تدابیر کو سختی سے عملانے کے لیے افسران پر زور دیا۔
انہوں نے افسران پر زور دیتے ہوئے کہا کہ ’’کسی بھی شخص کو بنا وجہ ریڈ زون علاقوں میں چلنے پھرنے کی اجازت نہیں دی جانی چاہئے۔‘‘
ڈی سی کولگام نے عوام کو گھروں میں ہی رہنے کی اپیل کرتے ہوئے محکمہ صحت اور انتظامیہ کی جانب سے جاری کردہ ہدایات مشوروں پر سختی سے عمل کرنے کی بھی تلقین کی۔
قابل ذکر ہے کہ ضلع میں کورونا وائرس کے مزید مثبت کیسز سامنے آئے ہیں۔
اس موقعے پر ڈی سی کولگام کے ہمراہ اے ڈی سی شبیرحسین بٹ نوڈل آفسر پرویز رینہ، اے سی آر میر امتیاز العزیز اور دیگر کئی افسران بھی موجود تھے۔
